Thursday, 22 August 2013 08:33

SBN Septermber 2013

Beste Besigheids Netwerk Vriende

Hiermee die uitnodiging na ons volgende SBN byeenkoms.

Ons tema rondom die uitbreiding van mens se finansiële skerpheid is juis gekies omdat so baie mense dalk die afgelope jaar of wat 'seergekry' het agv 'Fly by night' en Get-quick-rich schemes. Dit het verseker tot gevolg gehad dat baie van ons skepties geword het en amper te bang is om nog steeds kreatief en innoverend met ons geld te werk te gaan.

Ons moet ook weet waar en by wie ons raad en hulp moet gaan vra om ons finansiële portefuelje te beplan. Verder moet ons besef dat daar deesdae nuwe benaderings is tot die uitbreiding van welvaart. En tog moet ons ook weet hoe om bedag te wees op hoe om die genoemde slenterslae en boewery waarmee ons al meer en meer gekonfronteer word, te omseil.

Ek haal graag vir Robert Kiyosaki aan: "Money does not make you rich"

Lots of people think that money is what makes a person rich. But as he explains, "Money, is simply a by-product of your financial IQ. The solution lies in that we need to get smarter with our money. Kiyosaki maintains that those with a high financial IQ are those who invest in a strong financial education to increase their financial knowledge.

If you are ready to hear more about increasing your financial agility make sure that you attend our next SBN meeting on the 11th of September at Janno's, De Bron Centre.

Our guest speaker, Dr Francois Engelbrecht is going to address us about this very important matter. See attached invitation.

Until the 11th of September!

Kind regards
Nora and Rudolf

Published in Besigheid
Wednesday, 07 August 2013 12:06

Jannie Mouton deel sy kennis by die SBN

Jannie Mouton het vanoggend 7 Augustus die Swartland Besigheids Netwerk (SBN) kom toespreek oor sy lewe en wat mens kan doen as jy jouself in dieselfde bootjie bevind as wat hy was toe hy afgedank was deur sy vennote.

So wat maak mens as jy afgedank word? Die eerste en belangrikste ding wat jy moet doen, is om elke oggend op te staan, te stort en vir jou aantrek. Rig vir jou êrens ’n kantoor in waarna jy kan gaan al is dit in jou eie huis.

Tweedens moet jy vir jou ’n klankbord kry met wie jy kan gesels oor jou situasie en die planne wat jy kan maak. In Jannie se geval was dit sy vrou met wie hy gesels het. Evalueer en formuleer jou situasie.

Verder sê hy moet jy lees. Lees soveel jy kan. Lees boeke oor suksesvolle mense en geen negatiewe boeke nie. Terwyl jy lees moet jy neerskryf wat die mense in hulle boeke vir jou leer en opsommings maak daaroor. Jy moet swot om suksesvol te wees en wat jy kan doen om uit jou situasie uit te kom. Jy het mos nou tyd daarvoor!

Maak ’n lys van jou sterk en swak punte sodat jy jouself kan verstaan. Dit sal jou help om na die regte geleenthede te kyk wat beskikbaar is en wat vir jou sal werk. Dalk is jou sterk punte anders as wat jy in jou vorige werk gebruik het.

Werk vir jou ’n toekomsplan uit en skryf dit neer. Dink aan jou droom en skryf dit neer. Wanneer mens iets neerskryf, al is dit ’n droom, begin dit ’n werklikheid te word wanneer jy dit op papier sien.

Omring jou met kennis volle mense. Dit mag moeilik wees as jy by die huis is en nie werk het nie, maar ek dink dit val terug by die punt van lees. So as jy jou nie kan omring met die mense nie, kan jy nog steeds jou omring deur hulle boeke te lees.

Sodra jy weet wat jy wil doen, moet jy dit dadelik implementeer en nie wag nie. Praat met die mense rondom jou oor jou planne. Gesels met jou familie daaroor en kry hulle aan boord want jy moet jou produk of diens kan verkoop. Inspireer mense om te glo in jou en jou nuwe rigting.

Begin vandag en moet nie wag nie.

Verder het Jannie ook so paar goed gesê vir besighede en wat hulle kan doen om te groei. Kliënte is jou besigheid, sonder kliënte het jy nie ’n besigheid nie. Stel belang in jou kliënte en kommunikeer opreg met hulle en maak hulle gelukkig.

Vertrou goeie werknemers en plaas hulle in posisies waar hulle jou kan help groei deur vir hulle vryheid te gee om ’n bydra te maak.

Suksesvolle besighede is nooit ’n las op die gemeenskap. Ploeg terug en betaal jou belasting.

Daar is baie geleenthede waar ons nie normaalweg kyk nie. Kyk in die swart gemeenskap en in townships en jy sal verbaas wees wat jy kan leer as besigheid en oor jouself.

In moeilike tye is daar altyd geleenthede. Soek die geleenthede en kyk uit daarvoor. Afrika het nog baie potensiaal om te groei maar die risiko is hoog, so beplan net mooi.

In slotsom wat ek vir myself gekry het in sy geselsie is om leer, te lees, te beplan en als neer te skryf. Dit is die eerste stap om jou droom te verwesenlik.

Published in Besigheid
Friday, 26 July 2013 09:37

10 Gebooie vir netwerk geleenthede

BEPLAN JOU NETWERK GELEENTHEDE

Het jy geweet dat dit nogal ‘n kuns is om suksesvol te ‘netwerk’. Baie mense daag net by netwerkgeleenthede op en hoop om munt te slaan uit die geleentheid. So ‘n benadering kan jou duur te staan kom. Al wat jy reggekry het, was om vir jou brekfis te betaal, lekker met ‘n paar mense te kuier en …..verder ‘niks’.

Om hierdie byeenkomste vir jou te laat werk, beteken dat jy vooraf moet besluit wat jy daarmee wil bereik.  Stel vir jouself ‘n paar doelwitte op en dink na oor jou uitkomste en dink dan hoe jy dit gaan aanpak.

1.      MAAK SEKER DAT JOU BEMARKING GERIG IS OP ‘N “GEPASTE TEIKENMARK’.

  • Ons is dikwels geneig om sommer enige iemand wat ons teëkom te wil bydam met dit wat ons bemark. Jy kan jouself baie tyd en moeite spaar deur op mense te fokus wat reeds in die lyn van dit wat jy bemark beweeg.  Basies beteken dit dat jy fokus op mense wat in jou ‘produk’ sal belangstel - hierdie persone is reeds ryp vir die pluk. Byvoorbeeld, as ek visnette verkoop, gaan ek nie my nette aan iemand wat nie visvang probeer bemark nie.

2.      VIND UIT OF DIT ‘N SOSIALE OF GESTRUKTUREERDE BYEENKOMS IS

  • ‘n Meer sosiale netwerk geleentheid bied aan jou die geleentheid om jouself eerder te bemark. Laat die mense toe om jou te leer ken. Onthou ons doen besigheid met mense en nie met besighede nie. Hoe meer gemaklik iemand dus met jou is, hoe beter die kanse dat hulle jou met hul besigheid sal vertrou.
  • Gestruktureerde netwerk byeenkomste  behels dat jy jouself asook jou besigheid aan potensiele vennote bekendstel. Konsentreer bv. eerder daar op om een persoon in ‘n groep te ontdek wat jou kan help om ‘n kliëntebasis op te bou. As jy byvoorbeeld in die bankwese is, mik daarna om met ‘n eiendomsagent kontakte te bou.

3.      MAAK SEKER DAT JY WEET WAT VAN JOU VERWAG WORD.

  • Wees voorbereid wanneer jy by ‘n byeenkoms opdaag. Indien jy kontant moet betaal, wees gereed met die korrekte bedrag. Daag betyds op. Wees korrek geklee. Klee jou met die ingesteldheid om ’n goeie eerste indruk skep.   Maak seker dat jy jou besigheidskaartjies gereed het.
  • Moet nooit  agter die verskoning van ‘ek het nie tyd’ skuil  nie. Niemand het regtig tyd nie, maar indien jy deel wil wees van so ‘n byeenkoms, moet jy juis bereid wees om die ekstra myl te loop.

4.      WEES ALTYD GEREED OM JOUSELF BEKEND TE STEL

  • Dit is bv. ‘n goeie idee om nooit alleen by so ‘n geleentheid op te daag nie. Reël met ‘n gewillige vriend of venoot om mense in die vertrek van jou bewus te maak. Maak jy weer ‘n punt daarvan om mense van hom/haar bewus te maak. (So was die een hand die ander hand).
  • Praat duidelik genoeg sodat enige iemand wat dalk binne hoorafstand verbyloop kan hoor wat gesê word (binne perke natuurlik). Jy wil ook nou nie aanstoot gee nie, maar praat darem hard genoeg sodat dit as ‘n ‘oop gesprek’ ervaar kan word en ‘n verbyganger kan voel hy/sy is welkom om deel van die gesprek te word.  En……moenie vergeet om so nou en dan te lag en te glimlag nie. So gaan jy verseker ook meer mense na jou toe aantrek.

5.      WEES ALTYD GEREED OM EEN VAN DIE VOLGENDE DRIE BEKENDSTELLINGS TE KAN DOEN

  • Van aangesig tot aangesig– dit is wanneer jy jouself aan iemand voorstel en gevra word ‘wat jy doen’. Probeer om nie soos ‘n grammofoon af te gaan en jou ‘advertensie’ af te rammel nie.  Wees kreatief en oorspronklik. Stel jouself so bekend dat dit hul prikkel om meer te wil hoor. Bv. “My besigheid is om jou besigheid meer sigbaar te maak”.
  • Jou ‘elevator pitch’ (blits bekendstelling???) – Jou storie moet slegs ‘n paar kort sinne met ‘n bietjie detail bevat en kan selfs met ‘n vraag eindig.  Voorbeeld:  “My besigheid is om jou besigheid sigbaar te maak met behulp van ‘n verskeidenheid middels in die mark. Het jy dalk ‘n idee van enige besigheidseienaar wat daarmee sukkel dat kliente hul afsprake nakom”?
  • Voorlegging – Moenie jou gehoor oorweldig met alles waarby jy betrokke is nie. Behou die aandag deur die lig op een van jul fokusareas te laat val .  Fokus bv. op ‘n nuwe produk, diens of selfs een teikengroep.

6.      MOENIE JOU PRODUK ONMIDDELLIK AAN ‘N POTENSIëLE KLIëNT PROBEER ‘VERKOOP’ NIE

  • Neem jou tyd om potensiële netwerke te bou.

7.      INDIEN JY IEMAND MET ‘N PERSOON IN AANRAKING WIL BRING (VERWYSINGS MAAK), MAAK SEKER DAT JY HUL VOORAF IN KENNIS STEL

  • Mense haat dit as hulle name sonder hul toestemming uitgedeel word en hul dan moet sukkel om van die sg. agent ontslae te raak.
  • Laat weet hul liewers vooraf deur middel van  ‘n epos, sms of telefoon.  Vra eerder toestemming om hul naam aan iemand te gee; jy wil nie jou eie brue verbrand nie.

8.      MAAK SEKER DAT JY ‘N BEHOORLIKE OPVOLGPLAN HET

  • Maak na die tyd weer kontak met ‘n nuwe kontak om ‘dankie’ te sê en te noem ‘hoe bly jy is dat jul ontmoet het’. Doen dit binne 48 uur. Sosiale media is ‘n uitstekende manier om hiervoor te gebruik.
  • Maak seker dat jou besigheidskaartjie ‘n foto’tjie van jou op het.  Dit verhoog die kans dat hul jou gaan onthou met 80%.
  • Vra altyd toestemming of jy jou nuwe kontak op jou databasis mag plaas.
  • Om hul een of twee keer per maand te kontak, is heel voldoende. Pasop vir ‘oordoen’.

9.      BIED ‘N VOORBEELD (SAMPLE) VAN JOU PRODUK OF    DIENS

  • Laat hulle toe om te proe, sien en voel. Dit maak jou produk soveel meer ‘werklik’.
  • Lig hulle in en voed hul op.

10.    GENIET DIE ERVARING EN WYS JOU ENTOESIASME!

  • Gesindheid is aansteeklik en mense voel aangetrokke tot iemand wat positiewe energie uitstraal. 
Published in Besigheid
Tuesday, 18 June 2013 09:42

SBN Junie 2013 - Margaret Hirsch

Die Swartlandse Besigheids Netwerk het Junie 2013 vir Margaret Hirsch van Hirsch’s as gasspreker gehad.  Te midde van die heerlike koue winterweer en Janno se knus kaggelvuur  het dit behoorlik in die restaurant gegons soos besigheidspersone vanuit die diep-stad, Wellington en plaaslike omgewing genetwerk en mekaar beter leer ken het. Interessante besigheids konneksies is gemaak en nuwe verhoudings is gebou. So hier en daar is daar selfs ‘n uitstekende besigheidsgeleentheid beding.

Margaret se praatjie was heerlik informeel en terwyl sy die storie van haar lewe vertel het, het sy so tussendeur die gehoor met kwinkslae en wyshede vanuit haar eie lewe en die besigheidswêreld vermaak. Die kerngedagte van haar praatjie was dat ‘allles moontlik is indien jy wel bereid is om aan te hou ten spyte van ‘dinge wat gebeur’. ‘n Mens moet nooit opgee nie en al gebeur wat ookal met jou, moet jy jouself weer kan ‘optel’ en voortgaan.

Margaret is in die voormalige Rhodesie gebore en het as klein dogtertjie saam met haar ouers na Suid Afrika geimmigreer. Haar pa is vroeg dood en haar ma, wat nooit regtig gewerk het nie, moes vir hulle sorg. Dit het baie swaar gegaan en uiteindelik moes sy die kinders vir pleegsorg opgee.

Margaret het werklik arm grootgeword, maar van vroeg af besluit dat sy nie gaan toelaat dat dit haar gaan onderkry nie en dat dit verseker nie gaan bepaal wie en wat  sy is of word nie.  ‘n Mens moet besef, mense gaan jou seermaak en goor wees, maar dit is nooit ‘n verskoning om op te gee nie.

Sy het vertel hoe sy en haar man, Allan gekom het waar hulle vandag is. Dinge het verseker nie sommer net vanself gebeur nie. Hulle het ‘n lang en harde pad geloop om te kom waar hulle vandag is. Allan is disleksies en is ook op skool vertel dat hy verstandelik gestrem is en nooit iets in die lewe sal word nie. Toe Margaret met hom getroud is, kon hy nie eens behoorlik lees en skryf nie. Sy het hom  binne drie maande leer lees en skryf.

Op ‘n stadium is sy by haar werk ontslaan omdat sy swanger geraak het. Volgens haar was dit die beste guns wat hul haar kon bewys het. Sy en Allan het van daar af stadig maar seker begin om hulle besigheid te bou. En, soos sy dit stel,”moenie jou bekommer oor wat ander mense doen nie, fokus op jouself. Vergeet van diegene wat daarop uit is om  jou af te trek of jou niks gun nie”.Soos sy dit heel pittig gestel het “CRAP” will come. En hierdie akroniem staan vir Crisitism, Rejection, Arsholes of Adversity,  en Pressure.

 Moenie dat dit jou onderkry nie.  Hou jou fokus altyd op jou doel en wees veral baie versigtig oor wat jy in jou gedagtes toelaat. Onthou jou woorde bepaal jou toekoms. As jy die heeltyd gedagtes het oor hoe bekommerd jy is oor dinge, word dit ook die woorde wat jy gedurig opper en….. jy kry presies dit wat jy spreek.

Draai liewers daardie negatiewe gedagtes om. Haar eie teenvoeter vir hierdie probleem in haar eie  lewe is dat sy permanent ‘n rekkertjie om haar pols dra en elke keer as sy ‘n negatiewe of slegte gedagte het, trek sy die rekkertjie en skiet haar pols. Omdat dit een van jou are raakskiet, is dit glo lekker seer. En sodra sy op daardie oomblik die pyn ervaar, draai sy haar gedagtes om en dink ‘n nuwe positiwe gedagte uit.

Sy het baie klem gelê op die feit dat ‘n mens net moet aanhou. En die crux van die saak is dat dit een treetjie op ‘n slag is.   Vir haar is dit belangrik om doelwitte te hê en hulle moet uitgeskryf word. Sy lees elke oggend deur haar doelwitte en maak seker dat sy daarop fokus en presies weet waarheen sy oppad is en wat sy nog wil bereik en teen wanneer.

Sy het afgesluit deur te sê dat Suid Afrika ‘n land van geweldige oorvloed is en dat dit binne elke Suid Afrikaner se mag is om dit te benut en te maak werk. En hoewel geld soos suurstof is en geen mens daarsonder kan voortbestaan nie, kan elkeen wel sy kant bring en‘n bydrae lewer om mense te help om uit hul armoede te kom. Ons moet egter self daarteen waak om nie ‘n armlastige te word nie.

Margaret was Suid Afrika se Besigheidsvrou van die jaar in 2012 en gebruik tans hierdie platform om, deur die  vertel van hul sukesverhaal, aan doodgewone mense te sê dat enige een dit kan regkry om suksesvol te wees.

Sy wil mense juis aanpor om uit hul wegspringblokke te spring en aan die gang te kom. Vrouens wat hul eie besighede begin het en miskien sukkel om aan die gang te kom, wil sy motiveer deur hul te bemoedig om nooit moed  op te gee nie en aan te hou  deur altyd voorwaarts en opwaarts te gaan.

Haar grootste missie is om doodgewone mense so te inspireer dat hulle sal besef dat ‘n mens nie hoef te bly waar jy is nie, maar dat jy enige iets kan kry wat jy graag wil hê mits jy bereid is om daardie droom na te jaag en daarvoor te werk. 

Published in Besigheid

Malmesbury Advertising